Windpompe

Hoeveelkeer ry ons nie by ‘n windpomp verby sonder om te besef watter belangrike takie hierdie stukkies staal verrig nie. Deur die platteland, deur die dorre karoo sien ons die torings met die niksseggende wiel wat stilweg draai en water diep onder die grond uitsuig om water te verskaf aan mens en dier.

Min mense weet hoe lyk die kontrepsie van naderby of hoe die ding werk. Wel ek het ook nie, net geweet die ding pomp water deur ‘n pomp diep onder die grond wat die water tot op die oppervlakte druk en dan so ‘n dun straaltjie in die dam inlaat. Laat ek jou vertel baie meer interesant as dit.

Hier is ‘n foto van die kop van die windpomp waaraan die wiel vaskom.

Hierdie spesifieke model is reeds in 1912 vervaardig en tog werk dit vandag nog. Dit is eintlik ‘n baie eenvoudige beginsel, maar tog is dit nie sommer enigeen wat daaraan kan werk nie want die gereedskap wat gebruik word is beslis nie vir ons manne met die sawwe handjies nie, nee, dis swaer ysters waarmee hier gewerk worre.

Hier is ‘n foto van die tools van die trade.

Daarmee saam nog al die pullies en natuurlik die manne wat doer hoog bo moederaarde hierdie gereedskap vernuftig gebruik om die kop van die windpomp te herstel.

So een en ander oor windpompe:

‘n Nuwe windpomp kan maklik R20,000 plus kos, baie meer as wat ons leke besef. Nie so goedkoop as wat ons dink nie, maar beslis baie meer betroubaar as ons moderne toerusting, gegewe dat daar windpompe meer as ‘n honder jaar oud is en steeds elke dag sy stroompie water pomp. Al wat ‘n windpomp vra is liefde en natuurlik wind.

Windpompe het natuurlik ‘n boorgat nodig en sommige gate raak sommer lekker diep veral in die dorre karoo wat daar van honderde meters diep gepraat word en tog is daar ook plekke in die karoo waar die gate net sowat 25 meter diep reeds lekker water stoot.

Op hierdie foto is die hart van die windpomp, die pomp self, wat die water diep onder die grond uitsuig en meters boontoe uitspoeg in die dam.

Die kop en die pomp van die windpomp word alles bymekaar gehou deur pype wat gekoppel is. Kom daar fout, moet hierdie pype uitgetrek word, pyp vir pyp, ‘n takie wat geduld en tyd verg.

Die water word natuurlik uitgepomp deur ysterstawe wat aan die windpomp se ratte gekoppel is en wat soos die wind waai die water na bo druk deur middel van die pomp onder in die gat. Kom daar fout met die pomp moet alles uitgehaal word, die yster stawe en die pype. Elke pyp en ysterstaaf moet dan losgemaak en verwyder word en pyp vir pyp uit die gat gelig word, totdat uiteindelik die pomp die lig sien. So word die proses weer herhaal om die herstelde pomp weer tot onder in die gat te laat sak…pyp en staaf op ‘n slag.

Die windpomp

Hopelik sal hierdie kykie in die lewe van die windpomp jou bietjie langer laat stilstaan wanneer jy weer ‘n windpomp bekyk.

Lucky is nou in rehab

Ou lucky as julle nognie weet nie is die straat brakkie wat hier kom plak het.

Kyk hierdie brak het mos sommer so hier opgedaag en sommer vir my in my jaart geblaf, ek het die ding verwiller maar die brak staat blaf toe vir my van annerkant die heining sommer tot laatnag en toe verdwyn die brak. Paar dae later is die brak weer terug, om te bly. Hy weier om te gaan, wil sommer byterig raak as ek net waag om hom uit te gooi.

By nadere ondersoek vind ek die brak is ‘n taxi, vol vlooie, luise, bosluise en ongeidentifeerde goggas, oorlaai seg ek jou, nes ‘n Transkai taxi. Ek gryp hom net daar en dan en gee hom ‘n deeglike bad en dip. Na die gespook is die brak sommer die helfte ligter, nie dat hy iets geweeg het voor die tyd nie en terstont word hy deur Liefie vol kos geprop want die ding lyk beteuterd. Sedertdien is hy tuis. Hy is soos ‘n magneet al agter my aan, ek kan my gat nie draai nie of die brak is daar. So besluit ons op ‘n naam. Die eerste was Fugly want hy is lelik, maar enige naam sou doen en eindelik het die familie ooreengekom op Lucky.

Dis nou 3 maande en Lucky is byna een van die familie, hy grom nie meer as jy na hom kyk nie en wag geduldig vir sy kos saam met die anner kinners. Soms waag hy dit selfs om die huis te betree, maar dis duidelik hy is maar nog baie versigtig. Soms maak hy homself op my skoot tuis en dan kan g’n mens naby my kom nie. Ek geniet dit nogal, nou het ek darem een aan my kant. Liefie raak ook almeer geheg aan die brakkie.

Op ‘n dag verdwyn ou Lucky weer. Die huis is in rep in roer, maar berus ons daarby die straatbrak is maar weer op sy weg. Ek is weer alleen… Wel, die volgende oggend is ek weer by die werkswinkel en wie kom ewe luiters by die deur uit? Ek het Lucky in die werkswinkel toegesluit die vorige middag. Die weersiens was amper ‘n emosionele familie affere, almal was bly ou Lucky is nog hier.

Lucky se rehab is byna verby want hy word al op die bed toegelaat met sy stoppelbaard en al.

Ons het nou drie kinners behalwe ons eie, Dis nou Malaika, die Boerboel, Zet die Toypom, beide het pedigrees so lank soos my voorarm en dan ou Lucky van twyfelagtige afkoms. The good the bad the lucky.

Druiwekonfyt

Dit wil my voorkom of hierdie artikel baie gewild is onder lesers, daarom verfris ek dit so effe. Ek wil tog vra dat jy jou kommentaar oor die resep en konfyt sal gee sodat ek kan sien wat die lesers dink.

Wat is lekkerder as vars brood met ‘n dik laag druiwe konfyt vra ek nou?

Ek het vele kere hierdie druiwekonfyt gemaak en ek  moet dit met die manne en vroue deel.

Ja man, soos enige boere seun ken ek ook van braaivleis, dis in onse bloed, maar konfyt maak, nog nooit nie. Soos hulle seg, wie nie waag nie wen nie. Ons het nou ook so ‘n paar druiwe korrels en ek besluit daar en dan, Bloedbek jy gan jem maak, nes ouma, al weet ek net van jem eet, probeer gaan ek probeer. Eish en al moet ek self seg, dit is ‘n wenner.

Vir die manne der manne of dalk die vrou den vrou. Iets om te doen in plaas van sepies kyk, probeer hierdie maklike resep en laat almal met respekte daarna praat van jou of julle vaardigheid in die kombuis, dit kan selfs tot iets uitloop, wie weet.

Tools van die trade:

1. Druiwe en suiker

2. Groot pot

3. Skaal

4. Bottels so 6 bottels van verskillende groottes behoort genoeg te wees, as jy twyfel maak meer reg, liewer ekstra bottels  as te min. Laat jou vrou maar leiding gee daar.

5. Houtlepel vir die omroer en ‘n opskep lepel

6. Papbakkie of iets soortgelyk.

7. Tyd so twee ure daarvan

Nou hier volg die proses.

1. Druiwe: ek het die rooi tipe gebruik, so 2,5 kg druiwetrosse en dan moet die druiwe afgepluk word, ek haal nie die druiwe pitte uit nie, wel later tydens die gekokery sal dit wel gebeur. Weeg dan 2kg druiwe af om te gebruik en voordat jou vrou jou dit seg, spoel maar die korrels lekker af.

2. Suiker: 375gram vir elke 500 gram druiwe. Ek het op 2,5kg druiwe 1,875 kg suiker gebruik. Alles netjies afgeweeg op ma se kombuisskaaltjie.

3. Gooi die druiwe en suiker in die pot en meng goed deurmekaar, maar versigtig om nie die korrels te veel te verwoes nie.

4. Plaas die pot op ‘n plaat op ‘n baie lae hitte, vir so ‘n halfuur of totdat die suiker lekker gesmelt het.

5. Bottels. Sit jou bottels in die oond om dit warm te maak, skynbaar sal dit keer dat die bottels bars as jy die warm jem daar ingooi. Ek het dit maar so gedoen want ek wil my nie indink hoe lyk die kaste as die spulletjie moet bars en dis jem die hele wereld vol nie.

6. Sodra die suiker gesmelt is draai die hitte op maksium, ons stofie se plaat wys nr 6 en dan is dit behoorlik warm, as jy my nie wil glo nie, vat aan die plaat en voel dit. Die druiwe moet nou kook vir ‘n uur.

7. Met al die hitte onder die pot se gat gaan die spulletjie behoorlik borrel en bruis. Dit moet vir ‘n uur so kook. Moet nou nie dink jy gaan verder TV kyk nie, nou begin die werk. Sodra die spulletjie begin kook maak dit so ‘n lekker pienkerige skuim. Dit moet jy afskep en tussendeur so stadig roer, let wel stadig. Ek gebruik die papbak vir die skuim.  Blykbbaar sal ‘n hewige geroer sandsuiker veroorsaak, so, hou dit stadig. Maak ook voortdurend seker die affere brand nie, jy sal dit seker voel as die lepel nie lekker glad oor die pot se bodem gly nie en hou maar aan om die skuim af te skep, ek weet nie hoekom nie, maar ek is darem ook nou nie stupid nie, daarom aanvaar ek maar die raad.

Op ‘n stadium raak die skuim aansienlik minder en kook die jempies al te lekker en moet jy begin om die pitte te verwyder as jy nie pitlose druiwe gebruik het nie en skep dit uit. Ek is nie te veel gepla as daar wel pitte agterbly nie, dit maak die jempie net meer uniek. Na ‘n uur draai ek die plaat af, jy sal sommer sien die tekstuur van die druiwe lyk anders as in die begin, dit blink so en daar is geen skuim in sig nie, as daar bietjies skuim op die kante vorm sal dit seker niks wees nie. Die stroop is so lekker loperig , nie dik en taai nie, dit gly net lekker uit die lepel.

8. Al wat nou oorbly is om die druiwekonfyt te bottel, soos hulle seg. Ek het die opskep lepel gebruik om die druiwe konfyt in die bottels te gooi. Pas net op die bottels is warm en die jem ook, werk op koerantpapier sodat dit makliker is om skoon te maak na die tyd want dis maar ‘n taai affere. Maak die bottels behoorlik vol, want as dit afkoel is daar minder in as toe dit warm was, maar daardie stukkie wetenskap hoef ek seker nie te verduidelik nie. Sit die proppe op nadat dit goed afgekoel het. Die res los ek vir jou om te ervaar.

Ek het aan my se vrind ‘n bottel gegee en hy kyk met nuwe respekte na my. Sy vrou loer ook op ‘n anderste manier na my. Dit het amper gelyk of sy vir my knipoog, ag nee wat ek dink ek het my verbeel. Vroulief kyk ook anders na my, en ek het my nie verbeel nie.

Eish daai druiwe konfyt, dit werk man.

Nou toe spreek jou meing uit, ek wil nie jou gat lek nie, doen dit net, dis nou die beproef van die resep en die kommentaar!

Luckie die straatbrak

Lucky die straatbrak met sy eie storie.

Ontnugtering

Die laaste paar maande was vir ou Bloedbek en Liefie ‘n woelige tyd met baie veranderings. Gedink ons verruil die stadslawaai vir die platteland, waar dit veronderstel is om rustiger, kalmer en meer vreedsaam te wees, kak man seg ek jou. Ek sukkel om die huis te restoureer want elke inwoner kom kuier en kom loer waarmee ou bloedbek besig is, almal gee raad en advies al weet ek wat ek doen en Liefie moet net koffie en koekies aandra. Almal weet van ons al het ek hulle nog nie eens ontmoet nie. Die bure weet meer van my as wat ek self weet. Dis interesante tye die.

So vis ons tussen die bure wat betaal mens die bediendes in die omgewing, seg een buurvrou, nou soos ek verstaan is dit ‘n ou tante wat swem in die dollars, (moet dit noem want dis wat my so stomslaan). Ons moet nie ons bediende meer as R40 per dag betaal nie, wat se kak is dit? Maar daardie advies sal ons ignoreer.

Voorheen kon ek kies en keur tussen die koerante en tydskrifte en nou, net een dagblad wat eers teen teetyd hier aankom en ook eers nadat ek die winkelier gesoebat het vir ‘n kopie, al sy koerante het reeds eienaars. Nou kry ek my kopie darem ook gereeld. Niks engelse dagblaaie nie seg ek jou.

Bloedbek trek sy ou pypie van tyd tot tyd en so raak my twakkies op. Moenie dink ek kan my twak hier kry nie, ek moes 75km ver ry vir my twakkies, die probleempie is darem nou ook opgelos ek kon darem aan die winkelier verduidelik wat my twak is en na verskeie pogings is dit darem oppie rak. EN moenie dink jy kan net winkel toe Stap en gaan koop wat jy nodig het nie, nee man, jy staan voor die toonbank en vra wat jy nodig het en soms raak jou keuses op en is daar nie dit wat jy soek nie.

Jong hier kom nog baie stories uit maar laat ek dit eers los vir later.

Hoekom so min geblog die laaste tyd behalwe dat ek besig is met die restourasiewerk en die vakansie tussen in is spoed hier ‘n groot ding, ADSL werk nie, en die beste sein is GPRS ek wil soms in my broek kak oor die tempo waarteen alles hier gebeur, maar dan die lug is vars, die mense warm, dis stil, g’n ambulanse, g’n sirenes, g’n getoetery nie en meer belangrik ek en die straatbrak, ook ‘n storie wat vertelle moet worre, gaan stap deur die dorp, om die dorp tot annerkant die loekasie en almal ken die brak en vir my ook….

Groenteboer in die kleine

Dis tyd! Kry jou tuinvurkie, gieter en grafie reg dis tyd vir groente plant. Ek wil elkeen aanmoedig om ‘n eige tuintjie te begin as jy dit nog nooit gedoen het nie is daar geen verskonings nie, ek het nie groen vingers nie, maar moer ‘n tamatie of ‘n blaarslaaitjie uit die tuin so uit die grond uit is te lekker vir woorde, die reuk die smaak en natuurlik die genoegdoening. Die eerste verskoning- ek het nie plek nie; se gat my maat, as jy ‘n meter by ‘n meter het, het jy plek as jou woonsellekie ‘n stoepie so groot soos ‘n posseel het, het jy plek. Mense dink aan landerye en groot grond, fout man, dis vir die kommersielle planters wat in elk geval nie ‘n flenter omgee vir jou en my se gesondheid nie en al die goed wat ons koop is in elk geval so vol chemiese kak dat dit nie meer soos die ware Jakob proe nie. Tyd o ja baie belangrike, maar kakkerige verskoning. Die son hoef nie te skyn wanneer jy jou groentekies versorg, maar dis darem beter om in die daglig te werk as jy nagblind is. Tape daai sepie en kyk dit later, maar die tuinding doen is ‘n moet.

Nou toe as jy kak genoeg voel en genoeg uitgetrap is laat ons beginte.

Groente het net drie, nee vier vyf belangrike elemente nodig: Goeie grond, sommer baie kompos, genoeg water, maar ook nie te veel nie. lekker son, maar ook nie te veel nie en baie belangrik goeie saad. Dis al.

Jy kan nie verkeerd gaan nie, maklik soos poep en bier drink seg ek jou.

1. Grond en kompos. Groente oor die algemeen hou nie van kleierige grond nie en daarom is baie kompos nodig. Dreinering moet ook lekker wees want jy wil nie die plante verdrink nie. Ek seg hoe meer kompos hoe beter.

Koop sommer jou kompos vir starters, maak seker dis kwaliteit kompos en koop sommer baie sakke, daar is nooit te veel kompos nie. Wees versigtig vir kompos wat nie onkruid vry is nie, want dit skep net probleme later, jou buurman se beeste se mis is nie ‘n goeie plan nie, beeste vreet bossies en bossies is onkruid wat jou gaan irriteer en moedeloos maak, so kry die beste wat jy kan by jou kwekery, moenie hier afskeep nie want dit gaan jou berou of beloon.

2. Waar plant ek dit? Hier het jy verskeie opsies, ‘n sonnige stukkie grond is die beste, maar as jy in ‘n conctrete jungle bly skaf vir jou lekker groot houers aan van minstens 40cm diep, 50 cm is beter vir vog behoud. Jy moet verstaan die meeste groente se wortles is nie baie diep nie, maar hoe vlakker hoe meer gereeld moet jy water gee.

OF, gebruik sommer ‘n motor buiteband, of jou geliefde se 4×4 band sal nog beter werk, ‘n fietswiel sal om verskeie redes nie werk nie, verstaan jy dit.

OF, gebruik ou kunsmis sakke, verkieslik nie die lapsoort nie en ook nie plastiek, lap sal vrot en hoe gaan jy voel as ek ‘n plastieksak oor jou kop trek. Die geweefde soort, as jy dit sien sal jy sommer weet, ek weet hulle verkoop soms hondekos in daardie sakke of vra jou kwekery hulle sal net so goed indien nie, beter weet as ekke.

3. Hoe nou gemaak? Nou as jy al die houers sakke ens het moet jy begin om jou kompos in te werk, ek vat sommer so 2/3 kompos en 1/3 leemgrond/bosgrond en ‘n klein bietjie sand as die grond baie kleierig is. Het jy dit? Vra maar as jy nog onseker is hoor! Want ek wil sien dat jy lekker groente saam met bloedbek en sy lotte gaan eet en sommer binnekort ook. Hou die mengsel klammerig totdat jy plant.

Indien jou plekkie so ‘n lekker sonnige hoekie is en jy kan dit beskerm teen uitermatige koue en ryp dan kan jy sommer dadelik begin plant, maar verkieslik eers oor so ‘n week of twee.

Geen rocket science hier nie.

Kyk as daar nou groentes is wat geen kak het nie is dit wortels, spinasie, beet en boontjies. Veral spinasie en beet ontkiem baie vinnig en binne enkele dae sal jy die groen spikkels begin sien. Lees die saad verpakking oor hoe jy dit moet saai/plant, maar as jy dan nog onseker is vra my hoor! Die genoemde groente is rerig maklik om mee te begin. Wie weet binnekort behoort jy tamatie plantjies by jou kwekery te kry of jy kan solank tamatiesaad plant om later uit te plant. Blaarslaai is net so maklik, dit kan jy sommer so tussen jou geliefde se rose en blomme plant en dit verleen ekstra tekstuur aan die beddings ook jong. Easy seg ek jou.

Nou toe tyd stap aan en ek is saam met jou opgewonde oor moontlikheid van eige groentekies.

So terloops, die afval groente en vrugte skille kan jy ook maar begrawe vir later en as jou buurman erdwurms het gaan vra hom vir ‘n klompie, daai wurmpies is ywerige komposmakers en dit help met die belugting van die grond ook.

 

Siedaar hoe lekker groei die goeterkies, spinasie, beet, wortels en blaarslaai. Jy sal sien ou bloedbek is maar lui, daarom gebruik hy sommer besproeing vir die natlei. Ek moet net noem hierrie is maar net ‘n stukkie useless grond wat Zet en Boel bekak wat ek gebruik vir so by die huis se groentekies. As jy mooi kyk sal jy boel se spore sien, maar ek moer hom gereeld uit my beddings uit, so die skade wat ou boel aanrig is nie te erg nie.

Seg bloedbek.

PS Die bokke speel so swak dis amper beter om innie tuin te werk as om in trane op die bank te sit en treur.

Bloedbek se stilte

Kyk, ou bloedbek het ‘n projekkie aangepak daar doer ver tussen nerens en niks. Ek was darem vroegtydig gewaarsku, daar is nie draadloos opvangs nie, daars nie ‘n Teevee nie en gin telefoon. Ek is vroegtydig meegedeel so 2 kilometer van die groot pad af verdwyn die selfoonopvangs. Ek kon nie glo dat ons nog sulke afgelee plekke het nie, maar dis sowaar as padda manel dra seg ek jou.

Vier dae sonder kontak met die buitewereld is goed, maar sewe dae… later voel mens soos Rip van Winkel. Ou bloedbek het gelukkig nie van die Springbokke se treur mara geweet nie tot hy weer die grootpad tref nie. Maar toe bler die selfoonkie van die boodskappe en smse vir ‘n vale, toe weet ek ek is terug in die beskawing. Moet darem byvoeg dit was nou eintlik blerrie lekker so in die media stilte. Maar net so lekker om weer ‘n telefoon te hoor lui.

Nou terug na die plek daar doer ver, so tussen die berge gelee, so die son kom later op en gaan sak vroeer as op ander plekke. maar waaroor ek nie gewaarsku is nie. Die koue! Dit was pokken koud seg ek jou, meeste van die tyd het die krane eers in die namiddag begin loop en sommer vroegaand weer opgehou loop. Die kapok het daar geval, sommer as die sonskyn het dit daar gekapok. Die eerste keer in my lewe word ek wakker en alles, ek seg jou alles is wit. eerste gedagtes is, ek is in die hemel want dit was nie so mooi toe ek die son gister sien sak het nie en so bly dit vir ‘n paar dae. Die prag maak op vir die koute, maar koud bly koud en mooi is mooi. Darem is ek nou weer terug by Liefie en dis nie so koud nie. Ek gaan weer terug want ou bloedbek laaik die stilte en die projekte is nog nie afgehandel nie.

Net as jy beginne wonner of ek waar praat hier is so ‘n fotokie om die koue te wys

Dis nou sommer baie vroeg oggend en koud seg ek jou

Nou as jy gedink het dis ‘n swak foto, die wit vlekke is kapok wat besig is om te val, soos fyn wol vlassies te pragtig, selfs ou bloedbek se bek het oopgehang van stomgeslaangyt oor die gebeurlikhede.

vyf minute word twee ure

Tyd vlieg soms te vinnig. Wat 5 minute moes neem het uiteindelik 2 ure geneem….

Hoe moeilik kan dit wees om ‘n nuwe password te kry? Baie!

My kaart gebruik ek al jare sonder enige probleme tot gister toe nog kon ek ‘n paar randjies trek , maar toe sleutel ek my password verkeerd in nogaaaal by die bank se internet terminaal, net om agterna uit te vind hulle het ‘n probleem met van die sleutels en ek was die nuutste slagoffer.

Ons is in ‘n eeu van moderne tegnologie, papierwerk behoort om verskeie redes baie minder te wees, maar mensig, om 7 A4 bladsy uit te druk, vol geprint om ‘n password te verander laat my wonder of sommige van die groter finansiele instellings werklik ingestel is om ons natuur te bewaar, of is dit bloot onkunde aan die kant van die klerk.

Terwyl ek hoogs gefrustreerd toekyk hoe die probleem groter en groter word, het ek ‘n keuse of om my gat te wip en ‘n vloermoer te gooi of ek kan die beste van die slegte saak maak. Die tou wagtende kliente het aangegroei tot ‘n laannnngggg tou met baie gefrustreerde gesigte. Besluit ek om so biekie humor in hulle in te blaas. Liefie sou weer seg ek is kommin, maar man sy is nie daar nie ek ek vat die geleentheid en begin kommentaar lewer oor die vordering van my probleem, sommige vind dit amusant, maar enkeles se draad was by die tyd so kort dat hulle met bloedrooi oge na my gluur en die humor nie snaaks vind nie. Toe ek koffie vir almal bestel by een van die klerke wil niemand koffie he nie, nie dat ons sou kry nie, maar nie ‘n enkelte klient is lus vir koffie of tee nie. Shame sommige mense moet maar swaar deur die lewe gaan so sonder ‘n ou humorsinnikie, dis hulle saak daai seg ekke.

Uiteindelik is ek klaar, maar sit nou met twee nuwe identiese kaarte, weet steeds nie hoekom nie, maar die klerk seg dis hoe dit is.

Om op te som as iets werk moet nie daaraan krap nie, dan soek jy moelikheid, maar weet as iets met die tegnologie verkeerd gaan dit moeite gaan verg om net weer aan die gang te kom. Nimmer as te nooit het ek geweet dat mens met spaar parte kan huis toe gaan as jy jou password moet vervang nie.

Depressie ‘n mite?

Die brein is sekerlik die mees ingewikkeldste liggaamsdeel denkbaar, juis omdat dit nie bloot ‘n orgaan is nie, maar ‘n ingewikkelde rekenaar wat tot meer instaat is as wat ons werklik besef. Koppel daarby die psige van die mens en die resultaat is ‘n byna onverklaarbare liggaamsdeel wat die mens as mens definieer. Die kern om as mens te funksioneer.

Depressie is sekerlik die siekte toestand met die meeste vraagtekens en wat baie kontroversioneel is omdat dit met die psige werk en omdat die mens nie die werking van die brein verstaan nie. Ek wil sover gaan dat die hoogsgeleerdes in die veld self besef daar is soveel rondom die mens se brein en die werking daarvan dat dit feitlik onmoontlik is om werklik die omvang van die brein te verstaan. Daagliks word nuwe bevindings gemaak.

Is depressie ‘n mite? Vir die meeste is dit omdat dit so maklik misbruik kan word, juis omdat dit so ‘n ingewikkelde toestand is. Hoeveel keer hoor mens nie van mense wat kla: “Ek is depress vandag” of “Ek voel so depro”. Ja, ‘n enkele woord wat heeltemal uit konteks gebruik word vir wat eintlik bedoel is om ‘n afgevoel/swartgalligheid uit te druk, wat meestal van korte duur is. Terwyl depressie in mediese terme ‘n siekte toestand is. Daar is verskeie oorsake van depressie, dit kan ‘n gebeurtenis wees wat dit veroorsaak soos die dood van ‘n gekliefde, of ‘n trauma voorval soos ‘n langdurige siekte,selfs ‘n egskeiding of ‘n liefdesteleurstelling, ‘n onverwerkte gebeurtenis van lank gelde kan dit ook veroorsaak en vele meer om op te noem. Depressie kan bloot ‘n chemiese wanbalans in die brein wees wat die siekte toestand veroorsaak.

Die stigma wat aan depressie kleef se oorsprong is waarskynlik die onkunde van vervloee dae toe kennis oor die toestand onbekend was en wanneer mense depressief was, was daar geen manier om ‘n sinvolle diagnose te maak nie en was hierdie skepsels bloot as gek of vreemd gelabel en van daar die stigma, bloot ‘n gebrek aan mediese kennis.

Die depressielyer ontbeur baie juis as gevolg van die feit dat daar so ‘n negatiewe persepsie oor die toestand is en huiwer dan om hulp te kry. Hoeveel selfmoorde kan voorkom word indien vroegtydige diagnose gemaak kon wees om die hartseer gevolg te voorkom. Hoeveel mense ly aan derpessie sonder om hulp te kry juis omdat die gemeenskap nie die omvang van die toestand verstaan nie, die skuldgevoel van ly aan depressie is ‘n groot rede waarom hulp nie gesoek word nie. Die onverstaan van mense wat nie daaraan ly nie. Miskien is dit hoekom ons drankverbruik so hoog is – kry maar eerder ‘n kick uit die goedvoel van alkohol en dwelms as om hulp te vra.

Depressie ‘n mite? Jare en jare se gewoontes word nie summier verander nie en sal daar vir nog ‘n baie lang tyd ‘n stigma aan depressie kleef. Vir baie sal dit altyd so wees, juis as gevolg van onkunde en die onwilligheid om te verstaan dat daar wel dinge in die brein kan skeefloop. Vir die depressielyer, ‘n werklikheid wat behandel moet word ten einde ‘n vol lewe te kan lei….

Cressidas kentucky en spark plugs

Het ek vinnig oud geraak, of het die tyd net vinnig gevlieg? Wat ek beslis weet, tyd staan nie stil nie.

Die fotos is afkomstig van ‘n epos wat vra: Waar was jy in 1978?

Ek kan eintlik elke maand ‘n Cressida koop met my loon.

Nou wie weet nie van Kentucky nie. Wel toe jy nog waarde vir jou sente gekry het, ook skynbaar in 1978.

 

Met ‘n paar sente kon ek my kar diens.

Wie wil nou ‘n kar diens as jy elke maand ‘bn nuwe kan ry? G’n wonner ek kan nie hierdie pryse onthou nie, net die petrol prys en die spoed wat kort tevore mos aangepas is.

My klerekas lekker aanvul, inteendeel elke dag ‘n nuwe pak dra vir minder as wat tolpad geld elke dag kos.

 

Wel ek was daar maar bliksem toe het ek nog nie geld verdien nie en moes nog huiswerk doen, kon darem al heidie kyk en na Haasdas se nuuskas kyk.

Ek verstaan nie so lekker nie as alles dan so goedkoop was hoekom het pa dan altyd gemoan as ek geld gevra het vir die movies.

Ek wonner wat het koffie gekos, seker verniet weggee….mmmmm